«Узоры безагляднай волі» (1969) — зборнік эсэ, у якім Сьюзен Сонтаг пашырае межы даследавання, распачатага ў яе знакамітай кнізе «Супраць інтэрпрэтацыі» (1966).

У гэты зборнік увайшлі тэксты пра мастацтва, літаратуру, кіно і палітыку, якія па праву лічацца найбольш яркімі ўзорамі крытычнай думкі XX стагоддзя. Сярод іх — класічнае эсэ «Эстэтыка маўчання», якое з'яўляецца бліскучым аналізам мовы, думкі і духоўнасці ў мастацтве. Таксама ў зборнік уключана эсэ «Паездка ў Ханой», напісанае ў чэрвені-ліпені 1968 года па выніках амаль месячнага знаходжання ў В'етнаме.