«Лісты нідзекуль» — гэта і кніга Ёнаса Мекаса, і кніга пра Ёнаса Мекаса. Першае ж вызначэнне, якое пра яго дае любы даведнік, — «хросны бацька нью-ёркскага кінаавангарда». Тое, што гэты літоўска-амерыканскі паэт, пісьменнік, рэжысёр, крытык і прадзюсар значна шырэй і глыбей любога ўяўлення пра яго, сведчаць яго «Лісты нідзекуль». Гэта цыкл нататак пра грамадства і культуру, пра зямлю і чалавека, пра малыя мовы і народы, а таксама ўспаміны сяброў і крытычны нарыс пра яго творчасць.

Паралельна здымкі яго сябра Арунаса Кулікаўскаса і кадры, на якіх Мекас зафіксаваны, ствараюць нагляднае ўяўленне пра навакольнае асяроддзе і ўнутраны свет мастака.