Травелог сербскага пісьменніка-мадэрніста, аднаго з пачынальнікаў югаслаўскага сюррэалізму, Растка Пятровіча, напісаны па выніках яго падарожжаў па каланіяльнай Заходняй Афрыцы зімой 1928–1929 гг. Прайшоўшы некалькі тысяч кіламетраў праз джунглі і саваны сучасных Сенегала, Кот-д’Івуара, Буркіна-Фасо і Малі, ён пакінуў яркія і паэтычныя запісы пра цудоўных людзей, пра іх танцы, песні і звычаі.

У кнізе таксама апісаны яго сустрэчы з дзівоснай прыгажосці дзяўчатамі і юнакамі, з каралямі, жрацамі, ведзьмамі, людзяміедамі і пракажонымі. Кніга ілюстравана аўтарскімі малюнкамі і фатаграфіямі.