«Голасы» — кніга вершаў Яна Полькіўскага, якая сваім стылем, глыбінёй перажыванняў і асабістым поглядам на трагічныя падзеі ў Польшчы ў снежні 1970 года перавярнула ўяўленне пра гісторыю і літаратуру.

Яе суправаджае даследаванне вядомага літаратуразнаўца Юзэфа Марыі Рушара. Разважаючы над пытаннямі, якія ставіць гэтая кніга, ён дае адказы толькі на частку з іх, на другую ж давядзецца адказаць самому чытачу.