Новая кніга вядомага гісторыка Наталлі Лебінай складаецца з даследаванняў-этыдаў, якія на мікра- і макраўзроўні апісваюць усе бакі паўсядзённасці савецкага гараджаніна: ад харчавання да забаў, ад выбару адзення да інтымнага жыцця, ад заключэння шлюбу да пахавальных абрадаў.

Лейтматыў кнігі — спецыфічнае развіццё агульнацывілізацыйнага працэсу мадэрнізацыі ў савецкіх умовах. Лебіна піша не толькі як даследчык, але і як сведка эпохі. Эпізоды з гісторыі яе сям'і выступаюць як прыклады тыповых сітуацый, у якія траплялі савецкія абывацелі.