Юргіс Кунчынас (1947–2002) — паэт, празаік, эсэіст, перакладчык. Ён вывучаў нямецкую філалогію ў Віленскім універсітэце. Яго кнігі перакладзены на нямецкую, шведскую, эстонскую, польскую і латышскую мовы.

У рамане «Перасоўныя Rontgen-устаноўкі» сканцэнтраваны лепшыя творчыя рысы Кунчынаса: свабоднае абыходжанне з формай і кампазіцыйная дысцыпліна, лірычнасць і псіхалагізм, вынаходлівасць і пэўная наіўнасць.

Раман, дзеянне якога разгортваецца ў 1968 годзе, утрымлівае шматлікія жыццёвыя падрабязнасці і з'яўляецца біяграфіяй не толькі аўтара, але і ўсяго пасляваеннага «заблытанага» пакалення.