У манаграфіі, на аснове праведзенага аўтарам палявога даследавання, разгледжаны сацыяльныя і культурныя аспекты адаптацыі афганскіх мігрантаў у Беларусі. Галоўным фокусам даследавання стала трансфармацыя этнічнай ідэнтычнасці мігрантаў, што выявілася ў падрабязна апісаным комплексе сямейных і сацыяльных традыцый афганцаў у Беларусі.

Таксама паказаны гісторыя фарміравання супольнасці, абставіны міграцыі і побыт выхадцаў з Афганістана. Асобны раздзел прысвечаны метадалагічным аспектам даследавання этнічнай ідэнтычнасці і сучаснай гарадской этнаграфіі.

Манаграфія будзе карысная даследчыкам мігранцкіх супольнасцей, а таксама этнолагам і культурным антраполагам.